'Mirin Niqutî Dilê Firokevanekî Îrlandî'
William Butler Yeats
Helbest
Ji Îngilîzî: Kawa Nemir
Weşanên Sî - Stenbol
Çapa Yekemîn: 2002
Li Biniya Baxên Darebiyan
Li biniya baxên darebiyan, dildarê û min me hev dî;
Ew di baxên darebiyan re bihurî hat bi piyên çîlspî.
Gote min ku guh nedim evînê, wekî pel werar bin li ser darê;
Lê minê bi wê re, minê naşî û hişsivik, min guh neda wê.
Li zeviyeke li ber çêm, dildar û ez em rawestiyan,
Wê destê xwe yê çîlspî danî ser sermila min a bêşiyan.
Gote min ku guh nedim jiyanê, wekî gîha di delavan de rabe;
Lê ez naşî û hişsivik bûm, niha dibarînim hêsirên çavan e.
[1888] 1889
William Butler Yeats
Ji Îngilîzî: Kawa Nemir
